Сочи Олимпиадасына арналған естелік монеталар шығарылады

16.01.2014
Сочи Олимпиадасына арналған естелік монеталар шығарылады
Жапонияның «Taisei Coins Corp» нумизматикалық компаниясы Сочиде өтетін Олимпиада ойындары құрметіне орай қысқы спорт түрлері бейнеленген естелік алтын және күміс монеталарды сатып алуға брон қою басталғанын жариялады.
 
20 қаңтардан бастап, алдын ала брондау бойынша жапон банктерінде үш алтын медальдан тұратын жиынтық 2750 доллардан, ал үш күміс монета 420 доллардан, сондай-ақ, алтын монеталардың 1 данасы 920 доллардан сатылымға шығарылады.
 
Бұдан бөлек, компания ғаламтор арқылы да қысқы спорт түрлері мен спорт нысандары бейнеленген салмағы 1 және 3 келі болатын алтын, күміс монеталарды ұсынады.
 
3 келілік алтын монетаның құны 25 мың рубльді құрайды. Барлық монеталар Ресейдің орталық банкінде шығарылып, Жапонияға импортталған.
 
Айта кетерлігі, бұған дейін сатылымға түскен 154 грамдық номиналы мың рубльдік алтын монеталардың 1 данасы 15,3 мың доллардан сатылып кеткен еді.

Хабарламаларға жазылу