Басты Жаңалықтар «Дакар» бәсекесінің 7 кезеңі аяқталды

«Дакар» бәсекесінің 7 кезеңі аяқталды

13.01.2014 08:30

«Дакар» бәсекесінің 7 кезеңі артта қалды. Қаңтар айының 18-ші жұлдызында мәресіне жететін жарыстың бұл - бел ортасы. Сайыста ел намысын қорғап жатқан «Astana Motorsports» командасының әзірге аяқ алысы жаман емес.

Отандық пилоттардың барлығы 500 шақырым қашықтықта қиындықтарға ұшырамай, мәреге есен-сау келді. Осылайша, Айдын Рақымбаев бастаған экипаж жалпы есептегі 13-ші орнын сақтап қалды.

Бұл кезеңде Ардавичус тізгіндеген жүк көлігі жарты жолда аударылып, мәреге әрең жетті. Жарыс жолында аударылып, мәреге 17-ші болып келді. Бұл экипаждың жарыстан шет қалуы қаупі болған. Бірақ, түн ортасында жарыс комиссарлары жүк көліктің жарысқа қатысуына рұқсат берді. Тек, көлікті толықтай қалпына келтіру жүктелді.

Айдын Рахымбаев, «Astana Motorsports» командасының пилоты:

Жауыннан кейінгі тайғақ жолдың өзінде жыралар мен су жырып кеткен жерлер көп болды. Біз үшін және барлық командалар үшін бұл күтпеген жағдай еді. 10 жыраны сәтті айналып өткенімізбен, бәрібір біреуіне кеп ұрынасың. Осындай сәттердің бірінде қатты соққыдан кейін көлікті басқару жүйесінің бірнеше бөлшегі сынып қалды. Бұл 320-шы шақырым болатын. Сондықтан, қалған 200 шақырымда жылдамдықты азайтып, тек мәреге аман-сау жетіп алуды ойладық.

Индира БЕГАЙДАР

Бөлісу