Шымкентте жыл басынан бері 475 адамды кене шаққан

Шымкентте биыл кене шаққан 475 адам медициналық көмекке жүгінген. Ал былтыр 636 адам зиянкестерден жапа шегіп, 2 адамнан Конго-Қырым қанды безгегі анықталған. Олар мал баққан шаруалар. Сондықтан өңірде кене арқылы таралатын қауіпті аурулардың алдын алу шаралары күшейтілген. Биыл көктемде 152 мыңнан астам түлік , аумағы 4,5 миллион шаршы метрден асатын қора-жай мен қоғамдық аумақтар залалсыздандырылды.

Қайрат Базарбеков, Қалалық ауыл шаруашылығы және ветеринария басқармасы басшысының орынбасары:

Бірінші кезеңді аяқтадық. Енді екінші кезеңге дайындаламыз. Кене шаққанда дер кезінде медициналық жәрдемге жүгіну керек. Үйде отырып қалмау керек. Өзінің клиникалық белгілері болады, сол кезде медициналық орталықа бару керек.