Басты Жаңалықтар Ұлтшылдар маршына 15 мың адам қатысты

Ұлтшылдар маршына 15 мың адам қатысты

02.01.2014 08:30

Киевте ұлтшылдардың ауқымды маршы өтіп, оған 15 мыңдай адам қатысты. Бұл шеру Украинаның халық батыры Степан Бандераның 105 жылдығына арналып отыр.

Манифестанттар көшеге Бандераның портретімен бірге «Азаттық» партиясының көкшіл және сары жолақты туын, сонымен қатар алау ұстап шыққан.

Бандера ХХ ғасырдың бірінші жартысында Украинаның Ұлтшылдар Ұйымын басқарып, Ресей және Польша оккупациясымен күресті. Кеңес үкіметі тұсында нацистік Германиямен одақтасты деп айыпталды.

Шерушілердің сөзіне қарағанда, Украинада ұлттық қозғалыстың беделін түсіру үшін Бандераны фашистердің сыбайласы етіп көрсеткісі келетіндер әлі де баршылық.

Арыстан РЫСБЕК

Автор

Арыстан Рысбек

Бөлісу