Шымкентте «Таза бейсенбі» шарасы тағы да ұйымдастырылды

Шымкентте «Таза бейсенбі» экологиялық акциясы жалғасын тапты. Бұл жолы тазалық жұмыстары Еңбекші ауданының аумағында өтті. Сенбілікке белсенді жастар, мемлекеттік қызметшілер мен жақын маңдағы тұрғындар атсалысты. 100-ге тарта табиғат жанашырлары өзен жағалауын тұрмыстық қалдықтан тазартты. Қураған ағаштарды кесіп, аумақты сыпырып ретке келтірді. Жалпы, жыл басынан бері тазалық жұмыстары 15 рет ұйымдастырылып, 13 тоннаға жуық қоқыс шығарылды.

Бүгін Таза Қазақстан акциясына қатысуға өз еркімізбен келіп отырмыз. Тазалықты бірінші өзінен бастайды. Өз үйінен өз ауласынан бастайды. Еліміз, жеріміз таза болғаны өзімізге жақсы, болашағымызға жақсы, өсіп келе жатқан ұрпағымызға жақсы.