Балаларға арналған интернеттегі қауіпсіздік жадынамасы жарияланды

Ішкі істер министрлігі балаларға арналған интернеттегі қауіпсіздік жадынамасын жариялады. Бұл жадынама алдымен, ата-аналар үшін маңызды.

Өйткені, балалардың экран алдында өткізетін уақыты мен оның қандай ойындар ойнайтыны, әлеуметтік желілерде кімдермен сөйлесетіні қадағалануы керек. Жадынамада смартфонды алғаш қолданушылар мен бірінші рет әлеуметтік желіден өз аккаунтын ашқандарға нені ескеру қажет екені айтылған.

Басты қағиданың бірі - «Ата-ана бақылауы» функциясын қолдану. Ол баланың деректерін қорғауға,  қажетсіз контентті көрсетпеуге және қауіпті сайттар мен ойындардан қорғануға көмектеседі. Министрлік балалардың да интернет-алаяқтардың құрбаны болуы мүмкін екенін ескертеді.

Нұргүл Ахметова