Шымкентте «Даңқ» мемориалы мен бірнеше ескерткіштің аумағы тазартылды

Жеңіс күні қарсаңында Шымкентте «Даңқ» мемориалы мен бірнеше ескерткіштің аумағы тазартылды. Қоғамдық сенбілікке мемлекеттік қызметшілер мен қатар ерікті жастар белсене атсалысты. Жиналғандар халық қаһарманы Бауыржан Момышұлы мен қазақтың батыр қызы Әлия Молдағұлованың рухына тағзым етіп, олардың ескерткіштерінің маңын қоқыстан арылтты. Алты бірдей аумақта ұйымдастырылған экологиялық акцияға жалпы саны 1,5 мыңға жуық адам қатысты.

Ербол Байқонысов, «AMANAT» партиясы Шымкент қалалық филиалы атқарушы хатшысының орынбасары:

Даңқ мемориалына жазылған тақтайшаларды тазалап жатырмыз. Осы жерде орналасқан барлық талдардың түптерін әктеп жатырмыз, яғни қоқыстарды шығарып, бүгін осы ұрпақтан ұрпаққа аманат ретінде қалдыратын тазалық акциясын жалғастырып жатырмыз.