Шымкентте «Мерген» бақылау камераларын қосты

Шымкенттік көлік жүргізушілері енді қауіпсіздік белдігін тақпағаны және рөлде отырып телефонмен сөйлескені үшін айыппұл төлейді. Шаһарда ақпараттық бағдарламалық кешен іске қосылған алғашқы екі күннің ішінде осы мәселе бойынша 3 мыңнан астам құқық бұзушылық фактісі тіркелген. Бұдан бөлек жүйе сақтандыру полисінің жоқтығы мен техникалық тексеруден өтпеген көліктерді де автоматты түрде анықтайды. Мамандардың айтуынша, цифрлық бақылау жолдағы тәртіпті күшейтіп, жол апаттарының алдын алуға бағытталған. Бұған дейін мұндай жүйе Астана мен Алматы қаласында іске қосылған.

Бақыткелді Абдраманов, Шымкент қалалық ПД әкімшілік полиция басқармасы бастығының орынбасары:

4 мамырдан бастап қала бойынша 75 бейнекамера жұмыс істеуде. Ол «Мерген» камерасы қоғамдық қауіпсіздікті сақтауға, жол қозғалысы ережелерін сақтауға, жол көлік оқиғаларының алдын алуға бағытталған.