Алматыдағы түлектер мектеп аумағын көгалдандырды

«Түлектердің ағаш егуі» республикалық эко-челленджіне алматылық оқушылар да өз үлесін қосты. «Таза Қазақстан» акциясы аясындағы ауқымды бастама қаладағы №217 мектепте өтті. «Келешек мектептері» ұлттық жобасы аясында ашылған оқу ордасында 1600 шәкірт білім алып жүр. Биыл алғашқы түлектер алтын ұя мектебімен қош айтысады. Олар табиғатқа деген жауапкершілігін көрсетіп, эко-челленджге белсене қатысты. Мектеп аумағына ағаш көшеттерін отырғызып, қоршаған ортаны көркейтуге ат салысты. Оқу орнының ұжымы алдағы уақытта жасыл желекті көбейтіп, «Түлектер аллеясын» кеңейтуді жоспарлап отыр.

Бұл акцияның мақсаты – балалар бойына құндылықтарды дарыту, экологиялық мәдениет қалыптастыру, табиғатқа деген жанашырлықты қалыптастыру және осы мектептің көркеюіне әрбір түлек үлес қосу.

Біз өзіміз алғашқы түлек ретінде отырғызып жатырмыз. Біздің артымыздан өсіп келе жатқан іні-қарындастарымызға үлкен жол болады. Олардың да біздің артымыздан ағаш отырғызып, мектепке пайда әкелуі – біз үшін үлкен құрмет.