Жаңа камералардың көмегімен қанша заң бұзушылық анықталды?

Жасанды интеллектінің көмегімен көлік басқару құқығынан айырылғанына қарамастан транспорт тізгіндеген бір мың жүргізуші анықталып, жауапқа тартылды. Сондай іздеуде болған 1700-ден астам автокөлік табылды. Ішкі істер министрлігінің мәліметінше, бұл ТОР жүйесінің арқасы. Жасанды жад негізінде интеграияланған камералардың көмегімен 230-дан астам жалған нөмірлі көлік анықталған, сондай-ақ тіркеу нөмірінсіз жүрген 3 мыңға жуық автокөлікті пайдалану тоқтатылған. Оған қоса сақтандыруы жоқ және техникалық байқаудан өтпеген 15 мыңнан астам транспорт анықталды. Жалпы, жыл басынан бері жол-көлік оқиғаларынан болатын өлім-жітім 3,7%-ға төмендеген.