Алматыда телефон ұстаған 1200 жүргізуші айыппұл арқалады

Елімізде 12 наурыздан бастап Әкімшілік құқық бұзушылық туралы кодекске енгізілген өзгерістер күшіне енгені белгілі. Енді жолдағы құқық бұзушылықты камералар мен цифрлық жүйелер автоматты түрде тіркейді, яғни, полиция инспекторынсыз айыппұл салынады. Қазір жаңа жүйе көлік құралын басқару кезінде ұялы телефон пайдалану және қауіпсіздік белдігін тақпау деректерін тіркей бастады. Мәселен Алматыда 1 айдан аса уақыт ішінде қауіпсіздік белдігін тақпаған 1 646 жүргізуші анықталып, оларға тиісті айыппұл салынған. Полиция дерегінше, бірыңғай бейнемониторинг жүйесіне 67 мың бейнекамера қосылған. Жыл соңына дейін тағы 30 мыңын қосу жоспарланған. Мегаполисте 186 мың бейнебақылау камерасы жұмыс істеп тұр.