«Ұлттық қор – балаларға»: 273 мың өтініш мақұлданған

«Ұлттық қор – балаларға» бағдарламасы бойынша 18 жасқа толған азаматтарға 47 млн АҚШ долларына жуық қаржы аударылды. 2024 жылдың 1 ақпанынан бастап 273 мыңнан аса өтініш мақұлданыпты. Оның ішінде баспана жағдайын жақсарту мақсатында 29 млн доллар сомаға 171 мыңнан аса өтініш қабылданған. Ал оқу ақысын төлеу үшін 17 млн доллардан аса сомаға 101 мыңдай өтініш мақұлданған. Айта кетейік, нысаналы жинақтарды алушы барлық соманы немесе оның бір бөлігін пайдалануға құқылы. Ал қалған қаражат шотта қалады.