Шымкентте заңсыз көші-қон ұйымдастырушы топ ұсталды

Шымкентте заңсыз көші-қон арнасын ұйымдастырған қылмыстық топтың әрекеті әшкереленді. Күдіктілер шетел азаматтарын ақшалай сыйақы үшін елге кіргізіп, олардың құжаттарын заңсыз рәсімдеп отырған. Ауқымды операция барысында 28 тінту жүргізіліп, ондаған шетелдік паспорт, ұйымдастыру техникасы, байланыс құралдары, түрлі бланкілер мен жалған еңбек шарттары тәркіленді. Сонымен бірге қомақты қаражат пен тіркелмеген қару алынды. Қылмыстық схемаға қатысы бар 13 адам полицияға жеткізілді.

Қылмыстық топтың басшысы уақытша ұстау изоляторына қамалды. Аталған дерек бойынша сотқа дейінгі тергеп-тексеру басталды.