Алматыда магнолия ағаштары гүлдеп, қалаға ерекше көрік берді

Алматыда хош иісті гүлдерімен ерекшеленетін магнолия ағаштары гүлдей бастады. Сәндік өсімдіктің ерекше кадрларымен қаланың ботаникалық бағы әлеуметтік желіде бөлісті. Онда ағаш бұталарының күлгін не ақ түсте гүлдеп, айналаға көрік беріп тұрғанын аңғаруға болады. «Олардың ірі әрі нәзік гүлдері көктемде жаңарып келе жатқан жасыл желектің аясында ерекше әсем көрініп, нағыз көктемгі ертегі атмосферасын сыйлайды. Бұл кезең ұзаққа созылмайды. Сондықтан дәл қазір магнолиялардың сұлулығынан ләззат алуға тамаша мүмкіндік бар», -дейді ботаникалық бақ қызметкерлері.