Шымкенттегі колледжде «Таза Қазақстан» экологиялық семинары өтті

Шымкенттегі Жеңіл өнеркәсіп және сервис колледжінде «Таза Қазақстан» акциясы аясында экологиялық семинар өтті. Жастар табиғатты қорғау идеясын қолдап, қоршаған ортаға жауапкершілікпен қараудың маңызын көрсетті. Еріктілер ақпараттық парақшалар таратып, оқу орнындағы өсімдіктерге күтім жасады. Танымдық тәрбие сағатын өткізіп, флешмоб ұйымдастырды. Сондай-ақ шара барысында студенттер өздерінің экологиялық жобаларын таныстырып, қоршаған ортаны қорғауға бағытталған тың бастамаларын ұсынды.

Бізде күнделікті сабақта экология жайы айтылып отырады. «Адал азамат» тәрбие бағдарламасында да бұл бағыт қамтылған. Студенттеріміз өте белсенді. Түрлі жоба жасап жатыр.