Қазақстан мұралары ЮНЕСКО тізімінде

ЮНЕСКО-ның «Әлем жады» бағдарламасы аясында адамзат үшін аса құнды құжаттық мұраларды сақтау жұмыстары жалғасып жатыр. Бұл бастама – тарихи қолжазбалар, сирек кітаптар мен архивтік деректерді жоғалып кетуден қорғап, оларды келер ұрпаққа жеткізуді көздейді. Бағдарлама аясында Қазақстаннан бірқатар тарихи мұралар осы тізімге еніп, халықаралық деңгейде мойындалған. Олардың қатарында  Қожа Ахмет Ясауидің қолжазбалары мен оның шәкірті Сүлеймен Бақырғани еңбектері. Сондай-ақ «Хандар шежіресі» атты тарихи жазба бар. Мамандардың айтуынша, бұл ұлттық мұраны сақтап қана қоймай, оны жаһандық деңгейде насихаттауға мүмкіндік беріп отыр.

Бүкіл әлемнен зерттеушілер келіп жатыр. Кейбіреулер Америка, Канада, Түркиядан келеді. Бұл қолжазбалар Қазақстанда ғана сақтаулы. Сондықтан зерттеушілер Қазақтанға келіп отыр, соны зерттеу үшін. Оны болашақта шетелде насихаттау үшін.

Біздің Ұлы Жібек жолымыз, Қожа Ахмет Яссауи кесенесі мен «Тамғалы» петроглифтері бүкіл әлемдік тізімде бар. Алайда құжатта әлем бойынша 1 248, ал бізден 6-ы нысан ғана бар. Бұл еліміз үшін тым төмен көрсеткіш. Сондықтан Мәдениет және ақпарат министрлігінің тарихи мұраларды танытуға бағытталған бұл бастамасы қолдау тапқанына қуаныштымын.