Шымкентте ₸20 миллион алдап алған алаяқ ұсталды

Шымкентте жүргізуші куәлігін «жедел әрі қиындықсыз» рәсімдеп беруге уәде еткен алаяқтық схема әшкереленді. Тергеу дерегінше, күдікті әлеуметтік желі арқылы жалған қызмет ұсынып, сенімге кірген. Тіпті арнайы бейнероликтер мен жарнама жазбаларын пайдаланған. Соның салдарынан шамамен 45 адам белгіленген шоттарға ақша аударып, жалпы шығын 20 миллион теңгеден асты. Қазіргі таңда күдікті ұсталып, қамауға алынды. Оның өзге де қылмыстарға қатысы бар-жоғы тексеріліп жатыр.