Басты Жаңалықтар «Ұлыс оң болсын!» мерекелік жобасы көрерменге жол тартады

«Ұлыс оң болсын!» мерекелік жобасы көрерменге жол тартады

20.03.2026 20:36

Ұлттық құндылықты дәріптейтін Ұлттық арна биыл да әз-Наурыз мерекесіне орай арнайы концерттік жоба әзірледі. «Ұлыс оң болсын!» мерекелік бағдарламасында сүбелі сұхбат, әдемі әзіл, жаңа әндердің тұсауы кесілмек.

Сондай-ақ үш жарым сағатқа созылатын түсірілімге ғылым мен инновациядағы тың жобалардың авторлары, елге еңбегі сіңген тұлғалар, белгілі спортшылар және ұлттық брендті насихаттап жүрген кәсіпкерлер қатысады. Бұл жобағаны әзірлеуге шығармашылық топтағы 30 шақты маман 1 жарым ай бойы дайындалған. Көрерменге ұсынылатын ерекше форматтағы тарту 22 наурыз, күндіз сағат 13:50-де біздің арнадан көрсетіледі.

Сая Жаппарбекқызы, «Ұлыс оң болсын!» жобасының продюсері:

Бекжан Тұрыс атамызбен жас та болса көптеген сериалда түскен кішкентай Абылай деген баланы алып, атасы екеуі вайн форматында өнер көрсетеді. Бұл өте ерекше формат болып тұр. Халықты жалықтырмайтын, бірсарынды емес, кинолиниямен жүріп отыратын концерт болады. Арасында атаның әзілдеріне күліп, әншілердің әніне тербеліп, өте салмақты қонақтар келіп жатыр.

Автор

Әйгерім Ердәулет

Бөлісу