Жаңа Конституция – ел үшін жаңа дәуір

Шымкентте жаңа Конституцияның қабылдануына орай қалалық Аналар кеңесінің арнайы отырысы өтті.
Жиында Ата заңның қоғамдағы тұрақтылықты қамтамасыз етіп, отбасы институтын нығайтудағы рөлі сөз болды.
Аналардың айтуынша, әсіресе әйелдер мен балалардың құқықтарын қорғауға бағытталған нормалар әлеуметтік саясатты тиімді жүзеге асыруға негіз болады.
Үралхан Сейілбекова, ҚХА жанындағы аналар кеңесі төрайымының орынбасары:

Елдегі бірлік пен тұрақтылықты, тәуелсіздік пен татулықтың тұтастығын нығайтуға бағытталды. Дәстүрлі отбасылық құндылықтарды сақтау мәселелеріне ерекше мән берілді. Бұл бізді өте қуантады.