Алматыда бүлдіршіндерге жәбір көрсеткендерге қылмыстық іс қозғалды

Алматыда «Феникс» арнайы орталығына қатысты дау шықты. Ата-аналар орталық қызметкерлері ерекше балаларды үнемі ұрып-соғады, - деп полицияға арыз түсірген. Бейнебақылау камерасына түсіп қалған мына видеода маманның баланы қинап, «екі бүктеп» күш көрсетіп жатқанын көруге болады. Бұдан басқа бүлдіршіндердің басынан ұрып, аяғынан шалып, әбден қорлық көрсеткен, - деп отыр жақындары. Бұл жайтқа қатысты қалалық полиция департаменті қылмыстық іс қозғап, дене жарақаттарының ауырлық деңгейін анықтау үшін арнайы сараптама тағайындады.

Салтанат Әзірбек, қалалық ПД ресми өкілі:

Қазіргі таңда қылмыстық кодекстің 140-бабының нормалары бойынша қылмыстық іс қозғалып, тиісті тергеу амалдары жүргізілуде. Сол маманның өзінің іс-әрекетіне құқықтық баға беріледі. Сосын осы орталықтың меңгерушілеріне де, әкімшілеріне де құқықтың баға берілетін болады.