Қызылордалық кәсіпкерлер азық-түлікті негізсіз қымбаттатқан

Қызылорда облысында кәсіпкерлер азық-түлік бағасын негізсіз көтерген. Тексеру жүргізген экономикалық тергеп-тексеру департаменті 30 шақты заң бұзу дерегін анықтады.

Жалпы, аймақта әлеуметтік маңызы бар азық-түлік бағамына мониторинг жүргізіледі. Талдау барысында екі кәсіпкер тұрақтандыру қорына тауарларды жоғары бағамен жеткізу үшін құжат рәсімдеген. Құзырлы орган өкілдері заңсыздықты анықтап, азық-түлік құны қайта қаралды. Нәтижесінде 800 миллион теңге бюджет қаржысы үнемделді.