Семейде 112 мыңдай қорап темекіні жойды

Семейде заңсыз темекі саудасымен айналысқан тұрғын ұсталды. Тергеу материалдарына сәйкес 49 жастағы кәсіпкер заңсыз темекі өнімдерін арзан бағаға сатып алып, әрі қарай сатумен айналысқан. Сот оған екі жылға бас бостандығын шектеу жазасын тағайындады. Алайда ер адам амнистияға ілініп, негізгі жазадан босатылды. Ал тәркіленген 111 мың 896 қорап темекі сот шешімімен жойылды. Өнімдердің ешқайсысында акциздік марка мен сәйкестендіру номері болмаған. Заңсыз тауардың нарықтық құны 108 миллион теңгеден асады. Ал мемлекетке төленбеген акциз сомасы 40 миллион теңгеден артық.