Әлеуметтік жоба: Қызылорда іргесіндегі саяжайға газ берілді

Қызылорданың іргесіндегі 10 мыңға жуық халық қоныстанған саяжайға газ берілді.

Осы кезге дейін тұрғындар қыста көмір жағып, күл шығарып әбігерге түсіп келді. Сондықтан көптің өзекті мәселесі осы газдандыру болатын. Маңызды жобаға 3,2 миллиард теңге қаржы қаралып, саяжайдағы 1700 тұрғын үйге газ желісі тартылды. Бұл күнді ұзақ күткен жұрт енді көгілдір отынның игілігін көрмек.

Саида Ажмолдаева, саяжай тұрғыны:

Қыста көмір сатып алып, ағаш-отын жинап 6 ай қыста бейнетке қалатын. Қуанышымызда шек жоқ, барлық халықтың қолы жетіп, осы көгілдір отынға. Үйіміз жып-жылы күндіз-түні.