Басты Жаңалықтар Орталық Азия елдері Ауғанстан арқылы теңізге шықпақ

Орталық Азия елдері Ауғанстан арқылы теңізге шықпақ

16.02.2026 13:00

Орталық Азия елдері Ауғанстан арқылы теңізге шықпақ. Бұл Үнді мұхитына шығудың ең қысқа әрі баламалы жолы болмақ. Нәтижесінде жүк тасымалы арзандап, логистика дамиды. Осы мақсатта Орталық Азия мемлекеттері, яғни Қазақстан, Өзбекстан, Тәжікстан, Қырғызстан және Түрікменстан елдері Ауғанстан арқылы өтетін жаңа транзиттік дәліздерді дамытуға мүдделі. Сарапшылар бұл бастама аймақтың геоэкономикалық салмағын арттырып, жаңа нарықтарға жол ашатынын айтады.

Бүгін Қазақстанның Сыртқы істер министрілігінде өткен жиында осы мәселелер талқыланды. Жиынға әр елдің арнайы өкілдері қатысты. Жаңа транзиттік бағытты дамытудың тиімділігіне тоқталды. Ауғанстан арқылы өтетін транзиттік бағыт – Орталық Азия үшін тек экономикалық емес, стратегиялық жоба. Бұл дәліз жаһандық сауда-саттықты дамытуға жол ашады.

Еркін Тұқымов, ҚР Президентінің Ауғанстан бойынша арнаулы өкілі:

Біздің ұн, өсімдік майы, дәрі-дәрмектер, Ауғанстан азаматтары арасында үлкен сұранысқа ие. Қазақстан теңізге шыға аламйтын ел ретінде Үнді мұхитына оның ішінде Ауғанстан аумағы арқылы қол жеткізу өте маңызды. Жалпы транзит ең маңызды бағыттардың бірі.

Исматулла Иргашев, ӨР Президентінің Ауғанстан бойынша арнайы өкілі:

Біріншіден біздің әріптестерімізге алғысымызды білдіргім келеді. Олар Ауғанстан елімен байланыс тобын құру туралы Өзбекстан елінің бастамасын қолдады. Бүгінгі жиынның маңызы өте зор. Себебі бұл басқосу Орталық Азия елдерінің ортақ ұстанымын қалыптастырады.

Автор

Самал Қабышева

Бөлісу