Конституциялық реформа – ел дамуының жаңа кезеңі

Бүгін Конституциялық реформа жөніндегі комиссияның кезекті отырысы өтеді. Бұған дейінгі отырыстарда, елдің басты құжатының жекелеген нормалары, баптары мен бөлімдерін жан-жақты талқыланып, ұсыныстар ортаға салынды. Бұл реформа мемлекеттік басқару жүйесін нығайтып, Парламенттің қоғам алдындағы жауапкершілігін арттыруға бағытталған дейді ғалымдар. Олардың пікірінше, Конституциялық реформа саяси тұрақтылық пен экономикалық жаңғыруды ұштастыра отырып, қоғамды біріктіруге бағытталған маңызды қадам.

Алуа Ибраева, заң ғылымдарының докторы, Әл-Фараби атындағы ҚАЗҰУ профессоры:

Парламент бүкіл қоғам атынан сөйлейді. Сондықтан Парламентке артылар үміт көп. Парламенттің негізі мықты заң болу керек және қоғамды біріктіруі керек. Қоғам да белсенді болуы керек. Мысалы, саяси парталар мықты болуы керек. Сол мықтылығы қазіргі Конституциялық реформаларда айтылып отыр.

Оңалбек Абралиев, экономика ғылымдарының докторы, Әл-Фараби атындағы ҚАЗҰУ профессоры:

Еліміз жылына 20 млн-нан астам астық өндіреді. Халқымыз 20 млн 500 мыңға таяды. Бір адамға шаққанда 1 тоннадан астам астық өндіреміз. Осы астықты болсын, басқа да шикізаттарды өндіруге көшуіміз керек. Экспортқа қарай бағыттауымыз керек. Біздің онда мол мүмкіндіктеріміз бар.