Басты Жаңалықтар Президент энергетика саласының қызметкерлерін марапаттады

Президент энергетика саласының қызметкерлерін марапаттады

17.12.2025 13:00

2030 жылға дейін кемінде 200 нысанға реконструкция жасалады, 86 мың шақырым желі жаңарады. Бүгін энергетика саласының өкілдері бас қосқан мерекелік жиында Мемлекет басшысы осылай деді.

Қасым-Жомарт Тоқаев инфрақұрылымды қалыпты деңгейде ұстап тұру үшін «Тарифті инвестицияға айырбастау» бағдарламасы іске қосылғанын айтты. Соның нәтижесінде үш жыл ішінде тек кәсіпорындардың күрделі жөндеу жұмыстарына 900 миллиард теңгеден астам жеке инвестиция тартылды. Бұл жұмысты бәсеңдетпеу керек. Еліміз экспорттық әлеуеті зор энергетикалық державаға айналуы тиіс, - деді Мемлекет басшысы. Жиында Президент сала мамандарын кәсіби мерекесімен құттықтап, бірқатарын жоғары наградалармен марапаттады.

Қасым-Жомарт Тоқаев, Қазақстан Республикасының Президенті:

Энергетика саласы – еліміз үшін стратегиялық маңызы бар сала. Тұрақты қуат көзі болмаса, қуатты мемлекет құру мүмкін емес. Энергетика саласында қызмет ету – еліміздің дамуына үлес қосу деген сөз. Себебі сіздер атқарып жатқан жұмыстың игілігін еліміздегі әр отбасы, әр адам көреді. Әрбір үйге жарық пен жылу беру – жауапкершілігі зор жұмыс. Қажырлы еңбектеріңіз үшін баршаңызға шынайы ризашылығымды білдіремін.

Автор

Раушан Сайлауқызы

Бөлісу