Жасанды интеллектінің PR саласындағы рөлі зор

Жасанды интеллектінің PR саласындағы рөлі қандай? Бүгінде қоғаммен байланыс орнататын мамандарға жаңа технологияны  дұрыс пайдалануды қалай үйретуге болады? Осы сауалдарға жауап іздеген мамандар бүгін «Жасанды интеллект дәуіріндегі PR: білім мазмұнын жаңаша трансформациялау» атты диалог алаңын өткізді. Басқосу шетелдік мамандар да онлайн қатысып, тәжірибе алмасты. Ал жиын 2018 жылдан бері өтетін PR Day олимпиада аясында ұйымдастырылып отыр. Пәндік сайысқа биыл ел бойынша 130 мектеп оқушысы қатысуда.

Нұржан Қуантайұлы, ЕҰУ журналистика және әлеуметтік ғылымдар факультетінің деканы:

Белгілі бір әлеуметтік топпен байланыс жасау үшін мекемелер олар жасанды интеллектінің көмегіне қазір жүгінуге тура келетіні айқындалып тұр. Алдағы уақытта ЖИ жаппай біздің барлық білім саласына енгізілу керек. Соның ішінде ең қажетті сала ол әрине қоғаммен байланыс мамандығы.