Әлем чемпионаты Таеквондодан ел қоржынына екінші қола жүлде түсті

Таеквондодан әлем чемпионатында ел қоржынына екінші қола жүлде түсті. Жарыстың төртінші күнінде 46 келі салмақ дәрежесінде сынға түскен отандасымыз Айдана Құмартаева үздік үштіктің қатарынан көрінді. Бұрын-соңды қыздарымыз бір әлем чемпионатында екі қола жүлдеге қол жеткізіп көрген емес. Осыдан екі күн бұрын Нодира Ахмедова да қола жүлдегер атанып, елімізге 18 жылдан кейін таеквондодан әлем біріншілігінің әйелдер арасындағы бәсекесінің медалін сыйлаған еді. Айта кетейік, Қытайдағы жаһан біріншілігі 30 қазанда мәресіне жетеді. Жарысқа 179 елден келген 991 спортшы қатысып жатыр.