Қызылорданың сыртында айналма жол салынды

Қызылордада қаланың айналма жолының екінші кезеңі аяқталып, ел игілігіне берілді. Республика күні қарсаңында іске қосылған «Тәуелсіздікке 25 жыл» даңғылы Қорқыт ата әуежайы мен шаһардың батыс қақпасын жалғайды.

Айналма жолдың жалпы ұзындығы 27 шақырымнан асады. Төрт жолақты автожолдың ашылуына орай көліктер шеру жасап, тұрғындар жаңа даңғылдың пайдалануға берілгеніне қуанды. Себебі бұл жол кептелістің едәуір азаюына үлкен сеп.

Нұрмұрат Бекмағамбет, Қызылорда тұрғыны:

Үлкен Тәуелсіздік даңғылы ашылып жатыр. Бұл біздің көптен күткен қуанышты хабарлардың бірі еді. Өйткені автобус болсын осы көлік кептелісі болып жатқан жағдай бартұғын. Осындай кептелістен құтылу мақсатында осындай үлкен даңғылдар ашылып жатыр.