Қызылордада 350 отбасы баспаналы болды

Қызылордада бір күнде 350 отбасы үйлі болды. Биыл 3800 отбасыны пәтермен қамтамасыз етуге бюджеттен 58 миллиард теңгеден астам қаржы қаралған. Тұрғын үй құрылысы қарқынды жүріп, басым бөлігі бүгінде ел игілігіне берілді. Бұл жолы осал топтағы отбасыларға және Ауған соғысы ардагерлері жаңа қонысқа қол жеткізіп, қуанышқа бөленді. 

Болатбек Зәріпов, Ауған соғысының ардагері:

Бүгін көптен күткен қуаныш болды. Үй кезегіне тұрғанымызға 16 жыл болып қалған. Енді үй алып, қуанып жатырмыз.