Түркия мектептерінде қоңырау соғылмайтын болды

Түркияның бірқатар мектептерінде жаңа оқу жылынан бастап сабақтың басталғаны мен аяқталғанын білдіретін қоңырау соғылмайтын болды. Түркияның Білім беру министрлігі «Қоңыраусыз мектеп» бағдарламасын қабылдады. Оған сай оқушылар қай уақытта үзіліске шығатындарын мұғалімдерімен келісе отырып өздері анықтайды. Мамандар бұл жоба балаларды жастайынан шешім қабылдауға баулиды деп санайды. Қоңыраудың орнына мектептің көрнекті жерлеріндегі экрандарда сабақтың басталуы мен аяқталу уақыты көрсетіліп тұрады. Ал қоңыраудан бас тартқысы келмеген мектептерде оның дауысы бәсеңдетіледі және қоңырау үшін министрлік бекіткен арнайы дыбыстар ғана қолданылады. 

Айдос Әшімұлы