ЕО-ның 27 елінде жасөспірімдердің әлеуметтік желіні қолдануына тыйым салынуы мүмкін

Еуропа одағының 27 елінің барлығында 13 жасқа толмаған балалардың әлеуметтік желіні, видеоплатформаларды, чатботтарды, ЖИ-агенттерді пайдалануына тыйым салынуы мүмкін. Өткен тәулікте Еурокомиссия дәл осы шектеулерді көздейтін заң жобасын жариялады. Комиссия президенті Урсула фон дер Ляйеннің мәлімдеуінше, балаларды «мазақ пен қауіп әр үйге баратын, әрбір қателік мәңгі-бақи жазылып қалатын онлайн-әлемнен» қорғау қажет. Сонымен қатар оның сөзінше, интернетте жас шектеуін енгізу технологиялық компанияларды контенттердің мазмұнына қатысты жауапкершіліктен босататынын білдірмеуі керек.