Оқушыларымыз Kgl Contest халықаралық олимпиадасында жоғары нәтиже көрсетті

Қазақстандық оқушылар Kgl Contest халықаралық олимпиадасында жоғары нәтиже көрсетті. Бұл барлық жастағы оқушылардың ағылшын тілі деңгейін анықтауға арналған жалғыз халықаралық байқау. Беделді жарыс биыл елімізде алғаш рет ұйымдастырылды. Алғашқы кезеңде өңір-өңірден 2500-нан астам бала бақ сынады. Олардың ішінен іріктеліп, 5 оқушы Грекияда өтетін финалға жолдама алды. Осыдан 9 жыл бұрын енгізілген жаңартылған оқу бағдарламасының негізгі мақсаты – оқушылардың шет тілін B2 деңгейіне, яғни ортадан жоғары деңгейге жеткізу болды. Ұйымдастырушылар халықаралық олимпиаданың бүгінгі нәтижесіне қарап, бұл мақсатқа қол жеткіздік деуге болатынын айтып отыр.

Жасмин Бақытжан, оқушы:

Алдағы басты мақсатым - Грециядан орын алып, жақсы жетістіктерімді көрсету болып тұр. Ағылшын тілінде негізі білім алу өте оңай, жеңіл және ағылшын тілі бізге болашағымызға қажетті. Ағылшын тілінде көптеген ақпарат қолжетімді.

Ернұр Медет