Елордада БАҚ өкілдері арасында бильярдтан турнир өтіп жатыр

Журналистердің кәсіби мерекесі қарсаңында, Астанада Ақселеу Сейдімбекті еске алуға арналған бильярд турнирі өтіп жатыр. 2009 жылы жазушының өзі ұйытқы болып басталған сайыс, биыл 14-мәрте ұйымдастырылды. Дәстүрлі додаға 40-қа жуық БАҚ өкілі жиналған. Одан бөлек, Төлен Әбдік, Қойшығара Салғара сынды белгілі жазушылар да келді. Бұл жолы алдыңғы буын өкілдері мен жастар болып бөлінбей, қос дәуірдің адамдары бір ойын үстелінде бақ сынасты.

Қайрат Сақ, ЕҰУ Журналистика мәселелерін зерттеу институтының директоры:

Ойымыз ағалар мен жастар бір болсын деген. Ағалардың әңгімесін тыңдасын, өнегесін көрсін, мәнерін үйренсін, әңгімесін тәжірибесін алсын деген мақсат еді. Бұл дәстүр журналистер арасында кең таралған. Журналистер осыған жыл бойы дайындалады.

Ернұр Медет