Елордада Канада халықаралық мектебінің алғашқы түлектеріне диплом табысталды

Астанадағы Канада халықаралық мектебі алғашқы түлектерін ұшырды. Бүгін 12 сыныпты тәмамдаған 43 оқушыға әлемнің жетекші университеттері мойындаған «Dogwood Diploma» табысталды. Бұл оларға әлемнің жетекші университеттерінен ұсыныс қабылдауға мүмкіндік береді. Мектеп Канада білім бағдарламасымен қатар Британдық Колумбияның тәжірибесін қатар ұштастырады.

Раушан Әкімбекова, Канада халықаралық мектебі директорының орынбасары:

Канадалық оқу жүйесі бойынша, оқушыларымыз биыл өте жоғарғы көрсеткіштерге ие болды. Және осы жылы біздің мектеп жүз үздік олимпиадалық оқушыларды дайындайтын 100 үздік мектептің құрамына кірді. Біз 56-орындамыз.