Елімізде 90 мың мемлекеттік қызметші ЖИ технологияларын меңгереді

Елімізде алдағы 5 жылда 90 мың мемлекеттік қызметші жасанды интеллект технологияларын меңгереді. Қазірдің өзінде оқыту Астана хаб жанындағы Tomorrow мектебінде пилоттық жоба ретінде басталды. Бұл халыққа жедел әрі сапалы қызмет көрсету үшін жасалып отыр. Еске салсақ, Мемлекет басшысы 2029 жылға дейін ЖИ негіздерін 1 миллион адамға үйретуді тапсырған. Бұл ретте Generative Nation бағдарламасының аясында 300 мың студент арнайы сабақтардан өтпек.

Әлібек Сайланбай, ҚР Цифрлық даму, инновациялар және аэроғарыш өнеркәсібі министрлігі комитет төрағасының орынбасары:

Мектеп оқушыларына Tumo Education деген мектеп ашылайын деп жатыр. Халықаралық жасанды интеллект орталығында Tomorrow school үлкейеді, Tumo Education ашылады. Соның ішінде 8 қабаттың екеуі Tomorrow school, екеуі Tumo Education-ге арналады.

Жәнел Өтеулі