Жаңалықтарды Telegram арнамыздан оқыңыз!
Астанада колледж директорлары мен кәсіпкерлердің басын қосқан форум өтті. «Атамекен» кәсіпкерлер палатасының өңірлік кеңесі Жұмысшы мамандықтар жылы аясында екіжақты кездесу ұйымдастырды. Саладағы маңызды мәселелер талқыланды. Кәсіптік-техникалық білім беру ұйымдары бұл жиында студенттерді жұмыспен қамту көрсеткішін арттыруға мүмкіндік алды. Ал компаниялар өз сұранысын айтып, қызметкерлерінің қатарын сапалы жас кадрлармен толықтыруға ниет білдірді. Жиынға қаладағы 20 шақты колледж бен 60 жұмыс беруші кәсіпкер қатысты.
Мырзабек Көжімов, Қазтұтынуодағы жоғары сауда-экономикалық колледжінің директоры:
Білім мекемесі өз бетімен білікті маман дайындай алмайды. Қазір білікті маман дайындау жұмыс берушімен бірге жүзеге асады. Осы мәселені біз қазір жұмыс берушімен талқылап жатырмыз. Жұмыс берушілердің қазір рөлі өте күшейді деп айтуға болады. Білім мекемелеріне олар жай кірмейді: оқу бағдарламасына өзгеріс енгізе алады, өз талабын айта алады. Бұрын ондай жоқ еді.
Ақниет Болтанова
