Инклюзивті білім беру бағдарламасына жаңа 62 бағыт енгізілді

Инклюзивті білім беру бағдарламасына жаңа 62 бағыт енгізілді. Оның ішінде «Арнайы педагогика», «Аутистік спектрі бұзылған балаларды сүйемелдеу», «Тифлопедагогика»,«Ерте қолдау педагогикасы» сынды бағыттар бар. Бүгінде арнайы педагог мамандарын 17 жоғары оқу орны даярлайды. Жалпы білім алушылар саны 6 мыңнан асады. Бұл саладағы мемлекеттік грант саны да жыл сайын артып келеді. Мәселен, 2023-2024 оқу жылында 477 грант бөлінсе, 2024-2025 оқу жылында 819 грант бөлінді.

Рыскүл Құдіретоллаева, ҚР Ғылым және жоғары білім министрлігі, Білім беру мазмұны басқармасының басшысы:

Бүгінгі таңда жалпы тенденцияға сәйкес, балаларға инклюзивті білім беру, жалпы саны көбейіп келеді. Сол себепті біздің жоғары оқу орындарында мамандар даярлау жүйелі түрде жүргізуілуде. Бізде жыл сайын 2 мыңға жуық маман бітіріп шығады. Кадр тапшылығы жыл сайын 200-ге жуық. Сондықтан кадр тапшылығын біздің министрлік толыққан жауып отыр деп айта аламыз.

Ернұр Медет