Жаңалықтарды Telegram арнамыздан оқыңыз!Елордада Жеңістің 80 жылдығына арналған фотокөрме өз жұмысын бастады. Нұрлы жол вокзалында өткен шарада Қазақстан халқының сұрапыл соғысқа қосқан үлесі - суреттер арқылы баяндалды. 4 блоктан тұратын экспозицияда тыл еңбеккерлері мен панфиловшылардың ерен ерлігі түсірілген 80-ге жуық сирек фото қойылған. Сурет авторларының есімі сақталмағандықтан зерттеу жалғасуда. Алда әлі де естеліктер табылуы мүмкін. Аталмыш шара жас буынға бейбіт күннің құндылығын ұғындырып, тарихты құрметтеуге үндейді. Көрмені 31-шілдеге дейін тамашалауға болады.
Нағашыбек Алдан, Kazinform ақпараттық агенттігі атқарушы директорының орынбасары:
Қолымызға мыңдаған суреттер жиналды. Оның ішінде, біз осы көрмеге деп арнайы тек 80 суретін шығардық. Көрме 31-шілдеге дейін осында тұрады. Қала қонақтары мен тұрғындар көре алады. Одан бөлек, бүкіл Қазақстанның әуежайлары мен теміржол вокзалдарында видео нұсқасы таратылады.
Динара Жарқынбек
