Жаңалықтарды Telegram арнамыздан оқыңыз!Астанада волейболды отырып ойнаудан Қазақстан мен Жапония құрамалары арасында жолдастық матч өтті. Кездесудің басты мақсаты өзара тәжірибе алмасу. Сондай-ақ қоғамды паралимпиадалық спорт түрлерімен таныстыру, еліміздегі инклюзивті ортаны дамыту. Айта кетейік, Қазақстан құрамасы – волейболды отырып ойнау бойынша Азия Пара ойындарының жүлдегері. Париж-2024 Паралимпиада ойындарында үздік бестіктен көрінген команда. Жерлестеріміз қазір Қытайдың Ханчжоу қаласында өтетін Азия чемпионатына қатысуға дайындалып жатыр.
Бауыржан Тахауов, отырып ойнау волейболынан Қазақстан құрамасының бас бапкері:
Әр ай сайын бірнеше мықты командалармен бірігіп, оқу жаттығу жиынын өткіземіз және тәжірибе алмасамыз. Спортшыларымыз шеберліктерін шыңдап жатыр. Мақсатымыз - 2028 жылы өтетін паралимпиада ойындарына жолдама алу.Ернұр Медет
