Жаңалықтарды Telegram арнамыздан оқыңыз!Астана халықаралық қаржы орталығына словениялық компаниялар да қосылуы мүмкін. Екі елдің ірі бизнес өкілдерімен өткен форумда Қасым-Жомарт Тоқаев осындай ұсыныс жасады. Жиын барысында қай бағытта әріптестік орнатудың тиімді екені және кез келген бастамаға мемлекет тарапынан қолдау болатыны айтылды. Президент әсіресе ауыл шаруашылығы, фармацевтика, IT, ғылым, қаржы, мұнай-газ, транзит салаларына ерекше басымдық беруге болатынын айтты.
Қасым-Жомарт Тоқаев, Қазақстан Республикасының Президенті:
Қазақстан Еуразиялық экономикалық одақ елдерінде, Орталық Азия аймағында және Қытайда тұратын 1,5 миллиардтан астам тұтынушыға тікелей шығу мүмкіндігін ұсына алады. Ақтау және Құрық порттары Каспий теңізіндегі жүк тасымалында маңызды рөл атқарады. Аталған теңіз айлақтарынан жөнелтілетін жүк көлемі былтыр 4,5 миллион тоннаға жетті. Осы орайда сауда-саттықты жандандыру үшін Словенияның ең ірі Копер портымен серіктестікті тереңдетуді көздейміз.
Оңғар Алпысбай
