Арқалық қаласындағы әуежай қайта жөнделеді

Арқалық қаласындағы әуежай қайта қалыпқа келтіріледі. Бұл мәселені Мемлекет басшысы құрылтайда көтерген болатын. Әуежайдың жұмысы 1998 жылы тоқтап қалды. Әбден тозған ғимараттың қазір тек қаңқасы тұр. Жоспар бойынша толық қалыпқа келсе, жаңа аэровокзал салынады. Сонымен қатар метеорологиялық және радиотехникалық құрал-жабдықтар сатып алынуы тиіс.

Дархан Ермағамбетов, Арқалық қаласы әкімінің баспасөз хатшысы:

Алғашқы кезекте облыс орталығы Қостанай, Астана және Алматы қаласына осындай ұшақ рейстері қолданысқа енгізіледі деген ақпарат бар. Сонымен қатар мұның бағасы тұрғындар мен жолаушыларға қалтаға тиімді, қолжетімді болады деп айтылды. Себебі оны Үкімет тарапынан субсидиялайтын болады.

Мәдина Нағашабай