Мектептердегі кәсіптік бағдарлау жұмысы күшейтілмек

Жұмысшы мамандықтар жылы аясында мектептердегі кәсіптік бағдарлау жұмысы күшейтілмек. Нәтижесінде оқушылар еңбек нарығын терең түсініп, мамандық таңдауға мүмкіндік алады. Бұл туралы Астанада өткен Республикалық форумда айтылды. Арнайы жүргізілген зерттеу нәтижесіне жүгінсек, жасөспірімдердің тек 28% ғана өнеркәсіптік және құрылыс салаларын таңдаған. Ал қалғаны келешекте қай бағытқа бет бұратынын білмейді. Осындай олқылық болмас үшін мектептерде арнайы графикалық даярлық және жобалау сынды пәндер болуы тиіс дейді мамандар.

Ысқақ Нәби, педагогика ғылымдарының докторы, профессор:

Мектептерде арнайы жұмыс жүргізіліп жатыр. Мектеп бітірген бала қолына қағаз алады да кетеді. Ал ол қағаздың орнына жұмысқа жарайтындай мамандық керек. Сондықтан бізде бір баяндама бар, қалай оларды кәсіби жұмыс, 9 сыныптан бастап жүргізіп жатыр, яғни жұмысшы мамандықтарды. Балалаар сондай қолына бір жақсы мамандықты бейнелейтін бір қағаз алғысы келеді және де жұмыс істегісі келеді.

Динара Жарқынбек