Түркістан мен Жамбыл облыстарында қарлы боран соғып, жолдар жабылды

Оңтүстік өңірлерде қыс қаһарына мінді. Түркістан мен Жамбыл облыстарында қарлы боран соғып, жолдар жабылды. Тіпті, қар құрсауында қалып қойғандар да бар.

Ат құлағы көрінбейтін боран Жуалы тұрғындарын әбігерге салды. Дегенмен полиция қызметкерлері жолға шыққандарды кері қайтарып үлгерді.

Ал Түркістан облысында жолда қалған 14 адам құтқарылды. Олар мінген 4 жеңіл көлік Түлкібастағы тау жолында тұрып қалған. Жолаушылар Састөбе ауылына жеткізілді. Жел күшейгендіктен бес ауданды жалғаған жолдарды жабуға тура келді.