Солтүстік Қазақстанда көпір қақ бөлініп, жүк көлігі суға түсіп кетті

Солтүстік Қазақстан облысында көпір қақ бөлініп, бидай тиеген жүк көлігі Есіл өзеніне түсіп кетті.

Көлік жүргізушісі дін аман. Өткел Ғабит Мүсірепов ауданындағы Бірлік және Нежинка ауылдарын жалғап тұр. Шағын көпірді жергілікті шаруашылықтардың бірі салған. Аудандық әкімдік өкілдері ол ауыр техникаға арналмағанын, жүк көлігі судан шығарылғанын жеткізді. Көпір жөнделіп, қайта іске қосылмақ.

Эльмира Кәленова