Алматы халықаралық әуежайында «Авиация» мұражайы ашылды

Алматы халықаралық әуежайында Авиация мұражайы ашылды. Бұл Қазақстан авиациясының өткені мен бүгінін және болашағын байланыстыратын ерекше орын болмақ. Мұнда әуе құрылымының тарихындағы маңызды оқиғалар мен сәулет ерекшеліктерін көрсететін сирек архивтік суреттер қойылған. Нысанның алғашқы құрылысының макеті де бар. Сондай-ақ интерактивті тақталар орнатылған. Жолаушылар Орталық Азиядағы басты транзиттік хабтың іргетасы қаланған сәттен бастап, қазірге дейінгі даму жолымен таныса алады. Айта кетейік, мегаполистегі халықаралық әуежайдан жылына 300 млн-ға жуық азамат қатынайды.

Бекен Сейдахметов, Азаматтық авиация академиясының ректоры:

Азаматтық авиация саласында бүгінгі таңда Алматы әуежайы бірінші мұражай ашып жатыр.  Осы авиация саласының мамандары көбісі осы әуежайдан жұмыстарын бастаған. Менде осыдан 30 жыл бұрын осы әуежайдан алғашқы қадамымды бастағам. Сол үшін мағанда қызықты.

Ернұр Медет