Бүгін – сыбайлас жемқорлыққа қарсы халықаралық күрес күні

Бүгін – Халықаралық сыбайлас жемқорлыққа қарсы күрес күні. Осыған орай Алматыдағы Ақпараттық технологиялар университетінде студенттермен кездесу ұйымдастырылды.

Жиынға құқық қорғау қызметкерлері, заңгерлер мен қоғам белсенділері арнайы шақырылған. Олар жең ұшынан жалғасқан жемқорлықтың алдын алу жайын қозғады.

Бармақ басты – көз қысты әрекеттерге қарсы иммунитет қалыптастырудың маңызына тоқталды. Ел экономикасының ілгерілеуіне кедергі фактордың ең негізгісі осы, - дейді мамандар. Сондықтан дендеген дертпен күресу жолын күшейтіп, жастар арасында түсіндіру жұмыстарын жүйелі өткізуге мүдделі.

Марат Қалимолдин, «Адалдық алаңы» жобасының жетекшісі:

Оқу орындарында, еңбек ұжымдарында дөңгелек үстелде талқылап, семинар, форум түрінде өткізіп жатырмыз. Басты мақсат – жастарға сыбайлас жемқорлыққа қарсы сананы қалыптастыру.

Ернұр Медет