Астанада «Қазақстан – Түркия достық әуендері» концерті өтті

Юнус Эмре атындағы түрік мәдениет орталығының қала тұрғындары мен «ЭКСПО» қонақтарына тарту ретінде ұйымдастырған концертіне екі үлкен музыкалық топ қатысты. «Түркі әлемі музыкалық ансамблі» мен Астана қаласы әкімдігінің «Мемлекеттік академиялық филармониясы» оркестрі бірлесіп өнер көрсетті. Мұндай шаралар түбі бір түрік мәдениетін насихаттап, достық қарым-қатынасты нығайта түспек. «ЭКСПО» көрмесі аясында концертте  көрермендерге арнайы лоторея таратылып, Стамбулға барып қайту билеттері ойнатылды.