Елімізде 4,1 мыңдай науқас ішкі ағзасын ауыстыру кезегін күтіп жүр

Елімізде донор тапшы. 4 100-ге жуық науқас ішкі ағзасын ауыстыру кезегін күтіп жүр. Соның 3 600-ден астамы бүйрек жетіспеушілігінен зардап шегеді.

Сондықтан, трансплантологияның маңызын түсіндіру мақсатында сала мамандары Алматыдағы көпсалалы ауруханаға барды. Мәйіттік донор арқылы қаншама адамның өмірін сақтап қалуға болатынын айтты. Сондай-ақ осы істі жүйелеудің жолдарын көрсетті.

Қайрат Иманбаев, донорлық ағзаларды транспланттау және аллокациялау жөніндегі үйлестіру бөлімінің басшысы:

Туыстық донор болған кісі ертеңгі күні өзіне де керек боп қалуы мүмкін. Ал мәйттік донор бұл ешкімге зияны жоқ. Қайтқан кісі қайтты. Бәрі ойлайды мәйттік донорда бәрінен ала береді деп. Олай емес. Тек мидың өлімі болғанда ғана сол науқастан алуға болады.

Ернұр Медет