4700-ден астам қазақстандық елге оралды

Таяу Шығыс елдеріне сапарды әзір қоя тұрған жөн. Еліміздің Сыртқы істер министрлігі қазақстандықтарға осындай кеңес берді. Сонымен қатар, құзырлы мемлекеттік органдармен бірлесіп, осы аймақтан азаматтарымызды қайтару жұмыстарын жалғастырып жатыр. Эвакуация басталғалы бері әуе компаниялардың қолдауымен 4700-ден астам қазақстандық елге оралды. Әуе рейстерімен қатар, азаматтар жерүсті жолдарымен де жеткізілген. 6 наурызда «Заркух» компаниясының 7 қызметкері – ел азаматтарын Иран-Армения шекарасына шығуын ұйымдастырды. Алдын ала ақпаратқа сәйкес, қалған 16 қазақстандықты да осы бағыт бойынша эвакуацияланбақ. Жалпы Ираннан бүгінге дейін 66 Қазақстан азаматы елге қайтарылды.